Cinema Poster Designing Opening Shortly... For Ads Contact: [email protected] AndhraPradesh     +919949736353 Karnataka     +919902676715

పూర్తి పేరు యెడుగూరి సందింటి రాజశేఖర్ రెడ్డి తల్లిదండ్రులు రాజా రెడ్డి, జయమ్మ జన్మస్థలం కడప జిల్లా, సింహాద్రిపురం మండలం, బలపనూరు గ్రామము సోదరులు జార్జి రెడ్డి, వివేకానంద రెడ్డి, సుధాకర్ రెడ్డి, రవీంద్రనాథ్ రెడ్డి సోదరి విమలమ్మ పుట్టిన తేది 8 జూలై 1949 వివాహం 1972 ఫిబ్రవరి 9 సతీమణి విజయలక్ష్మి పిల్లలు కుమారుడు జగన్ మోహన్ రెడ్డి, కుమారి షర్మిల వ్యక్తిగత అభిరుచులు వ్యవసాయం, పాడిపరిశ్రమ, తోటల పెంపకం, క్రీడలు

విద్యాభ్యాసం
	పులివెందులలో వెంకటప్ప ప్రాధమిక పాఠశలలో ఎనిమిదో తరగతి వరకు బళ్లారిలో మిషన్ హై స్కూల్లో పదవ తరిగతి వరకు విజయవాడ లయోలా కాలేజిలో పియుసీ మెడిసిన్ కు వయసు చాలకపోవడంతో బళ్లారిలో ఏడాది బీఎస్సీ గుల్బర్గా ఎమ్మార్ మెడికల్ కాలజీలో ఎంబీబీయస్ ఎస్వీ మెడికల్ కాలజీలో హౌస్ సర్జన్

రాజకీయాలు

గుల్బర్గా వైద్య కళాశాలలో విద్యార్థి సంఘం అధ్యక్షుడు ఎస్వీ వైద్య కళాశాలలో విద్యార్థి సంఘం నాయకుడు 1975లో యువజన కాంగ్రేస్ కార్యదర్శిగా రాజకీయ రంగ ప్రవేశం 1978లో తొలిసారిగ పులివెందుల నుంచి రెడ్డి కాంగ్రేస్ తరపున ఎమ్మెల్యేగా ఎన్నిక, తర్వాత ఇందిరా కాంగ్రేస్ లో చేరిక ఆరు సార్లు ఎమ్మెల్యేగా నాలుగు సార్లు ఎంపీగా ఎన్నిక 1983-1985, 1998-2000ల మధ్య రెండు పర్యాయాలు పీసీసీ అధ్యక్షుడిగా పని చేశారు 1999-2004 మధ్య శాసన సభలో ప్రతిపక్ష నేతగా పని చేశారు రాష్ట్ర మంత్రిగా మూడు సార్లు 1980-1982లో గ్రామీణాభివృద్ధి 1982లో ఎక్సైజ్ మంత్రి 1982-1983లో విద్యామంత్రి ప్రత్యేకతలు : పోటీ చేసిన అన్ని ఎన్నికల్లో గెలుపు 33ఎళ్లకే పీసీసీ అధ్యక్షుడు. పార్టీని అధికారానికి తెచ్చి రెండు సార్లు ముఖ్యమంత్రిగా ప్రమాణం. మొదటిసారి-14-05-2004, రెండవ సారి-20-5-2009.

కీలక ఘట్టాలు
	పాదయాత్ర 2003లో చేవెళ్ళ నుంచి ఇచ్చాపురం వరకు 1470 కిలోమిటర్ల పాదయాత్ర జైత్రయాత 2004ఏప్రిల్ 5 నుంచి 25వరకు 5500 కిలోమిటర్ల ఆగస్టు 2000లో ప్రతిపక్ష నేతగా విద్యుత్ చార్జీల పెంపునకు నిరసనగా 14రోజుల నిరహారదీక్ష.

సృష్టికర్త ప్రతి మనిషికీ ఓ బాధ్యత అప్పగించి ఈ భూమ్మీందికి పంపిస్తాడంటారు. నా నుంచి ఏం పనులు చెయించాలనుకున్నాడో మరి ..రాజారెడ్డి, జయమ్మ దంపతుల కడుపులో వేశాడు. జమ్మలమడుగు మిషనరీ ఆసుపత్రిలో 1949 జూలై 8వ తేదిన పుట్టాను. నా దృష్టిలో..అమ్మ, నాన్న కనిపించే దేవుళ్ళు. తర్వాత స్ధానం ఉపాద్యాయుడిది. నా జీవితాన్ని మలిచిన గురువు పేరు వెంకటప్ప మాస్టారు. ఆయన దృష్టిలో చదువంటే పుస్తకాలోక్కటే కాదు..వ్యక్తిత్వానికి విలువలకూప్రాణమిచ్చే మనిషాయన. వెంకటప్పమాస్టారి భార్య కొండమ్మ కూడా టేచరే... ఇద్దరు నన్ను సొంత కొడుకులా చూసుకున్నారు. ఉద్యోగాలకి రాజీనామా చేసి మాతోనే ఉన్నారు. ఆ దంపతులకి పిల్లల్లేరు. మేమే సర్వస్వం. అంత గొప్ప గురువు దొరకడం నా అదృష్టం. ఇక విద్యార్ధి దశని తలుచుకోగానే...గుల్బర్గాలోని మా మహదేవప్ప రాంపూర్ మెడికల్ కాలేజే గుర్తుకొస్తుంది. ఆ రోజుల్లో స్కిన్ టైట్ గొట్టాల ప్యాంటులో హీరోలా వెలిగి పోయే వాణ్ని, నా అభిమాన హేరో మాత్రం ఎన్.టి.ఆర్(NTR)! నా ఫ్రెండు రామచంద్రరావు రోజుకో డబ్బా క్యాప్'స్టన్ సిగరెట్టు ఊదిపడేసేవాడు. అబ్బే! నాకు మాత్రం అలవాటు రాలేధు. ఎంతసేపూ జిమ్ముకెళ్ళడం, బరువులెత్తడం, ఇస్త్రీ డ్రస్సుల్లో షికార్లు కొట్టడం, కాలేజి పాలిటిక్సూ...అదే మన ప్రపంచం..! మూడో ఏడాది కాలేజి స్టూడెంట్స్ యూనియన్ ప్రెసిడెంటుగా కూడా చేశాన్లెండి. అప్పుడు జరిగిన ఓ సంఘటన బాగా గుర్తుంది. గుల్బర్గా మెడికల్ కాలేజిలో మొదటి నుంచి తెలుగువాళ్ళే ఎక్కువ. క్లాసులో వంద మంది విద్యార్ధులు ఉంటే తొంబై ఎనిమిది మంది మనవాళ్ళే. నేను చేరే సమయానికి కన్నడిగులూ ఎక్కువయ్యారు. దీంతో గొడవలు మొదలయ్యాయి. ఒకసారి...పెద్ద పరీక్షలు ఇంకా వారం రోజుల్లో మొదలవుతాయనగా మన తెలుగు విద్యార్ధిని అక్కడి వాళ్ళు బాగా కొట్టారు. దాంతో మేం వెళ్ళి దాడిచేశాం. కాలేజి వాళ్ళూ విచారణ మొదలుపెడితే, నేనే విద్యార్దులందరిని కూడగట్టి వాళ్ళని చితకబాదానని చేప్పేశాను. దీంతో నెల రోజులు సస్పెండ్ చేశారు. ప్రొఫెసర్లతో సహా అందరూ ఎందుకలా చెప్పావు. నీ స్టేట్మెంట్ తప్ప వేరే సాక్ష్యమే లేదు. ఇప్పుడు పరిక్షలు ఎలా రాస్తావు అని కోప్పడ్డారు. నాకు అబద్దాలు చెప్పే అలవాటు లేదు. ఆ పరిణామాలు ఎంత భయంకరంగ ఉన్నా సరే లెక్కచేయను. ఇది నా తత్వం. అదృష్టవశాత్తు ఆ ఏడాది పరీక్షలు సరిగ్గా నెల రొజులు వాయిదా పడ్డాయి. అలా పరీక్షలు వ్రాయ గలిగాను. నిజానికి కట్టుబడి ఉంటే దేవుడు మన పక్షాణ ఉంటాడని అప్పుడు నాకు అర్ధమైంది. అక్కడ చదువు అయిపోగానే తిరుపతిలో హౌస్ సర్జన్సీ చేశాను. వెంటనే పెళ్ళి. విజయలక్ష్మి నా జీవితంలో ప్రవేశించింది. మొత్తం ముగ్గురు మహిళలు నా జీవితాన్ని మలిచారు. మా అమ్మ జయమ్మ, నా శ్రీమతి విజయ లక్ష్మి, నా కూతురు షర్మిల.

మా అమ్మకు చిన్నతనంలోనే పెళ్ళి అయింది. అయినా చదువంటే మమకారం. మా అన్న కడుపులో పడ్డాక కూడా ఎస్.ఎస్.సీ పరీక్షలు రాసింది. ఆర్ధిక స్వాతంత్రం ఉన్న మహిళ ఒక తరాన్ని నిలబెడుతుందని..అంటూ ఉండేది. మా అమ్మ కడుపులో పుట్టడం నా అదృష్టం. నా శ్రీమతి విజయలక్ష్మి గురుంచి చెప్పాలంటే, నలబయ్యేళ్ళ వివాహ జీవితంలో నేను క్షణం కూడా తీరికలేనంత బిజీగా ఉన్నా..ఆమె నా మీద విసుక్కున్న సందర్బము ఒక్కటంటే ఒక్కటి లేదు. అనుక్షణం నన్ను కనిపెట్టుకొని ఉండేది. కంటికి పాపలా కాచుకునేది. ఆమె రాకతొనే నా జీవితంలో కొత్త దశ మొదలైంది. నా ముద్దుల కూతురు షర్మిల..నిద్రలో కూడా నా కుటుంబాన్ని నిరాశవాదం దరి చేరకుండ జాగ్రత్త పడుతుంది. 1996 ఎన్నికల్లో మహమహులంతా ఒక్కటై నన్ను ఒడించాలని ప్రయత్నించినప్పుడు..తనే అండగా నిలబడింది. తెల్లవారు జామున నాలుగింటికి నన్ను నిద్రలేపేది. నాన్నా! ప్రజలు నీ పక్షానే ఉన్నారు. వాళ్ళ కళ్ళలోకి చూడు. నిన్ను ఎంతగా అభిమానిస్తున్నారో నీకే అర్ధమవుతుంది. నీ గెలుపు ఖాయం చేసెది నాయకులు కాదు, ప్రజలే..అంటూ నాలో ఉత్సాహం నింపేది. మహిళల సంక్షేమం కోసం నేను ప్రారంభించిన పథకాలన్నిటికీ..ఆ ముగ్గురే స్పూర్తి. చదువు అయిపోగానే కొంత కాలం నేను పుట్టిన మిషినరీ అసుపత్రిలోనే డాక్టరుగా పని చేసాను. తరువాత నాన్నే ఓ డెబ్బై పడకల అసుపత్రి కట్టించి ఇచ్చారు. రోజూ రెండు, మూడు వందల మంది వచ్చేవారు. అవుట్ పేషెంట్లకు ఒక్క రూపాయ ఫీజు. చేతిలో చిల్లిగవ్వా కూడా లేని వాళ్ళకి అదీ లేదు. సంపాదన నా ఉద్దేశం కాదు కాబట్టి, ఎప్పుడు లాభనష్టాల గురుంచి అలోచించ లేదు. పేదలకు వైద్యం చేస్తుంటే చాలా సంతృప్తి అనిపించేది. ఆ తరువాత రాజకీయాల్లోకి రావడంతో..స్టెతస్కోఫ్ పట్టుకునే అవకాశం పెద్దగా రాలేదు. కానీ వైద్యం అంటే ప్రత్యేక అభిమానం. నిరుపేదలు కూడా ధైర్యంగా కార్పొరేట్ అసుపత్రిలో కాలు పెట్టే రోజు రావాలని కలగనేవాన్ని.

వెన్ను చూపని యోధుడు ! మడమ తిప్పని ప్రజా నాయకుడు! ఓటమి ఎరుగని మగధీరుడు, ప్రజల నాడి తెలిసిన రాజకీయ వైద్యుడు! ప్రజల కోసం అహర్నిశలు శ్రమించే శ్రామికుడు. ఒక్క ముక్కలో చెప్పాలంటే..పేదల పాలిట దేవుడు. ఆయనే యెడుగూరి సందిటి రాజశేఖర్ రెడ్డి. ఆప్తులకు, అభిమానులకు ఆయన వై.ఎస్సార్! అడిగిన వారికి లేదనరు. నమ్మిన వారిని పొమ్మనరు. జనంలో నుంచి ఎదిగారు, జనం కోసం బతికారు, జనం కోసమే బయలు దేరారు, మాటలో సూటిదనం, నడకలో చురుకుదనం, నడతలో ముక్కుసూటిదనం..ఆయన సొంతం. సాహసమే ఆయన పధం. కడప గడ్డపై పుట్టిన ఆ బిడ్డ అంధ్రప్రదేశ్ ప్రజలకే ముద్దు బిడ్డగా ఎదిగారు.

తొలి అడుగు....(ఓటమి ఎరుగని ఏకైక నేత)
జనం అరోగ్య సమస్యలు తీర్చిన ఆ వైద్యుడు..అదే జనం సమస్త సమస్యలు తీర్చేందుకు నాయకుడిగా మారారు. 1970లో రాజకీయ రంగ ప్రవేశం చేశారు. 1978లో 29 ఏళ్ళ ఆ నవయువకుడు తొలిసారి అసెంబ్లీలో అడుగు పెట్టారు. 1980-83 మధ్య మంత్రిగా పని చేశారు. 1983లో రాష్ట్ర వ్యాప్తంగా ప్రభంజనం వీచిన..పులివెందులలో వై.ఎస్ నిలిచి గెలిచారు. ఈ యువ శక్తిని ఇందిరాగాంధి గారు అప్పుడే గుర్తించారు. ఆయనను అంధ్రప్రదేశ్ రాష్ట్ర కమిటి అద్యక్షుడిగా నియమించారు. వందెళ్ళకు పైగా చరిత్ర ఉన్న ఓ పార్టీని..వై.ఎస్ 34 ఏళ్ళ వయసులనే నడిపించారు.కష్ట కాలంలో ఉన్న పార్టీకీ కొండంత అండగా నిలిచారు. నాయకుడిగా ఉంటూ కార్యకర్తల్లో ఆత్మస్థైర్యం నింపారు. అధికార పక్షాన్ని హడలెత్తించారు. అసమ్మతి స్వరం వినిపిస్తూ స్వపక్షంలోనూ విపక్షనేతగా ఉన్నారనే ముద్ర కూడా వేయించుకున్నారు. పదవి ఏదైన ప్రతీసారి తన సామర్ధ్యం నిరూపించుకున్నారు.
పాదయాత్ర రూపంలో ప్రజలలోకి ప్రస్ధానం 2003 లో తెలుగుదేశం వరుస విజయాలతో అప్పటికే కాంగ్రేస్ నీరసించింది. వరుస కరువలతో ప్రజానికం విలవిలలాడుతుంది. అదే సమయంలో విపక్ష నేతగా ఉన్న వై.ఎస్ ఓ వినూత్నమైన, సాహసోపేతమైన నిర్ణయం తీసుకున్నారు. అదే..'ప్రజా ప్రస్ధానం'. ప్రజల్లోకి ప్రస్ధానం. ప్రజల్లోకి స్వయంగా వెళ్ళి ప్రజా సమస్యలను స్వయంగా తెలుసుకునేందుకు చేపట్టిన కాలినడక ప్రయాణం. ఎర్రటి ఎండలను ఎదిరించి, మట్టి దారిలో, డొంకరోడ్డులో, తారురోడ్డుపై పంచె బిగించి, తల పాగ కట్టి ఆయన ముందుకు కదులుతుంటే అడుగడుగునా జననిరాజనాలే! కరువుతో దెబ్బతిన్న ప్రాంతాల్లో విస్తృతంగా చేపట్టిన ఈ పాదయాత్ర 2004 ఎన్నికల్లో కాంగ్రేస్ కు విజయం చేకూర్చుంది. ఈ యాత్రలో 68 రోజులు పాటు 11 జిల్లాల పరిధిలోని 1470 కిలోమిటర్ల అవిశ్రాంతంగా కాలినడక పయనించారు. ఈ యాత్రకు ప్రజల నుంచి అపూర్వ స్పందన లభించింది.

ప్రస్థానం జరిగిన తీరు

తొలివారం..2003 ఏప్రిల్ నుంచి 15 వరకు రంగారెడ్డి, మెదక్ జిల్లాల్లో 159 కి.మీ. రెండవ వారం..ఏప్రిల్ 16 నుంచి 22 వరకు మెదక్, నిజామాబాద్ జిల్లాల్లో 160 కి.మీ. మూడవ వారం..ఏప్రిల్ 23 నుంచి 29 వరకు నిజామాబాద్, కరీంనగర్ జిల్లాల్లో 181 కి.మీ. నాలుగోవారం..ఏప్రిల్ 30 నుంచి మే 3 వరకు కరీంనగర్, వరంగల్, ఖమ్మం జిల్లాల్లో 170 కి.మీ. ఐదోవారం..మే 7 నుంచి 13 వరకు ఖమ్మం, పశ్చిమ గోదావరి జిల్లాల్లో 166 కి.మీ. ఆరోవారం..మే 14 నుంచి మే 29 వరకు ఉభయ గోదావరి జిల్లాల్లో 103 కి.మీ. ఏడోవారం..మే 21 నుంచి 27 వరకు తూర్పు గోదావరి జిల్లాల్లో 95 కి.మీ. ఎనిమిదో వారం..మే 28 నుంచి జూన్ 3 వరకు తూర్పు గోదావరి, విశాఖ జిల్లాల్లో 156 కి.మీ. తొమ్మిదోవారం..జూన్ 4 నుంచి 10 వరకు విజయనగరం, శ్రీకాకుళం జిల్లాల్లో 166 కి.మీ. పదోవారం..జూన్ 11 నుంచి 15 వరకు శ్రీకాకుళం జిల్లాల్లో 144 కి.మీ. మండు టెండ సైతం లెక్కచేయకుండా 56 అసెంబ్లీ నియోజక వర్గాల పరిధిలో 1470 కి.మీ. పాదయాత్ర విజయవంతంగా పూర్తి చేశారు. చెవేళ్ళలో బయలుదేరి 64 రోజుల్లో 1470 పైగా కిలోమీటర్ల దూరం పాదయాత్ర చేసి చరిత్ర సృష్టించారు. వై.ఎస్ అప్పుడు జనహృదయాలను గెలిచారు. ఆ మరుసటి సంవత్సరం జరిగిన ఎన్నికల్లో కాంగ్రేస్ పార్టీని గెలిపించారు. ముఖ్యమంత్రిగా బాధ్యతలు చేపట్టారు. ఒకప్పుడు ఒక్క రుపాయ్ ఫీజు తీసుకొని రుపాయి డాక్టరుగా పేరొందిన వై.ఎస్ ముఖ్యమంత్రిగా మారి ఆ ఒక్క రుపాయి కూడ తీసుకోకుండ రైతులకు ఉచిత విద్యుత్ అందించారు. కరువు కష్టాలకు ప్రాజెక్టులే పరిష్కారమని తలచి జలయజ్ఞం చేపట్టారు.

ప్రజా సంక్షేమమే శ్వాసగా..
వై.ఎస్ జననేత, వారికేం కావాలో ఆయనకు తెలుసు. ప్రజల సమస్యలు ఆయనకు తెలుసు. వాటిని ఎలా తీర్చాలో కూడా ఆయనకు తెలుసు. అందుకే అధికారంలోకి వచ్చిన వెంటనే వాటిపై దృష్టి సారించారు. ప్రజా సంక్షేమమే శ్వాసగా పరిపాలన సాగించారు. అరకొరగా పధకాలను అమలు చేయడం కాకుండా సంతృప్తి స్దాయిలో అందరికి అన్నీ ఇవ్వాలనే సంకల్పంతో ఆయన ముందుకు సాగారు.

ఉచిత విద్యుత్ ఫైలు పై తొలి సంతకం

ప్రజల సమస్యలను పూర్థి స్దాయిలో తెలుసుకునేందుకు ఆరేళ్ళ క్రిందట ఆయన ప్రజాప్రస్ధానం పేరిట పాదయాత్ర చేపట్టారు. రాష్ట్ర వ్యాప్తంగా 1470 పైగా కిలోమిటర్ల కాలినడక తిరిగి ప్రజల ఇబ్బందులను తెలుసుకున్నారు. అధికారంలోకి వచ్చిన తొలిరోజు నుంచే వాటిని నెరవేర్చేందుకు, ప్రజల సంక్షేమానికి ఆయన ఎన్నో కార్యక్రమాలు చేపట్టారు. ముఖ్యమంత్రిగా ప్రమాణ స్వీకారం చెసిన వెంటనే తొలి సంతకం ఉచిత విద్యుత్, విద్యుత్ బకాయిల మాఫీ ఫైలుపై సంతకం చేసారు. తొమ్మిదేళ్ళపాటు కరువుతో అతలాకుతలమైన రైతన్నలకు అభయ హస్తం అందించారు. సాగు చేసుకోవడంలో రైతన్నలకు ఏ మాత్రం భారం కల్పించకూడదనే ఉద్దేషంతో ఉచిత విద్యుతును అందించదమే కాకుండ విద్యుత్ బకాయిలను మాఫి చేసారు. ప్రధాని వ్యతిరేకించినా, అధినేత్రి వారించినా ఈ పధకాన్ని ప్రవేశబెట్టి ఏడుగంటల పాటు ఉచిత విద్యుతును అందించారు. అంతెనా..రెండో సారి అధికారంలోకి వచ్చిన తరువాత తొమ్మిది గంటలపాటు ఇస్తామంటూ ఎన్నికల ముందు హామి ఇచ్చి మళ్ళీ అధికారంలోకి వచ్చిన వెంటనే దానిపై సంతకం చేసారు. అప్పటికే వడ్డీ వ్యాపరుల రుణ భారంతొ ఆత్మహత్యలకు పాల్పడుతున్న రైతన్నలను ఆదుకునేందుకు చట్టాల్లో మార్పులు చేశారు.

రైతన్న కోసం జలయజ్ఞం

తొమ్మిదేళ్ళ కరువు నేర్పి పాఠాలతోనే ఆయన జలయజ్ఞంకు శ్రీకారం చుట్టారు. సముద్రంలోకి వృధాగా పొతున్న నీళ్ళను ఒడిసి పట్టి రిజర్వాయర్లలో నిలిపితే కరువు సమయంలో రైతన్నలకు అదుకొవచ్చనే ఉద్ధేశ్యంతో వేల కోట్ల రూపాయలతొ ప్రాజెక్టు నిర్మాణాన్ని చేపట్టారు. దశల వారిగా దానిని విస్తరించి లక్ష కోట్ల రూపాయల వ్యయంతో 81 ప్రాజెక్టులను నిర్మించి కోటీ ఎకరాలకు నీరందించాలనే లక్ష్యంతో రాష్ట్ర వ్యాప్తంగ ప్రాజెక్టుల నిర్మాణానికి నడుం కట్టారు. పాతికేళ్ళుగా ఎక్కడ వేసిన గొంగళి అక్కడే అన్నట్లు ఉన్న పధకాల్లోను జీవం కల్పించారు. ఇప్పటికే 13 ప్రాజెక్టులు పూర్తి చేశారు. మరెన్నో నిర్మాణంలో ఉన్నాయి కూడా..

అభాగ్యులకు అండగా..

ఇక, ఏ ఆసరా లేని వృద్ధులు, వితంతువులు, వికలాంగులు ఎందరో పాదయాత్ర సందర్భంగా తమ గోడును వై.ఎస్ కు వినిపించారు. చాలీచాలని ఫింఛనుతో అయినవాళ్ళ ఆదరణ కోల్పొయీ జీవచ్చవాలుగా బ్రతుకుతున్నామని ఆవేదన వ్యక్తం చేశారు. అటువంటి అభాగ్యులను ఆదుకోవాలన్న ఉద్దేశ్యంతోనే భారిగా ఫించన్లు ఇచ్చారు. మొత్తాన్ని రూ.200కు పెంచారు. వికలాంగుల ఫించను మొత్తాన్ని సుమారు రు.500ల కు చేశారు. నెలనెలా ఫించను ఇచ్చే ఎర్పాటు చేశారు. రాష్ట్ర వ్యాప్తంగా సుమారు 70 లక్షల మందికి ఫించను పథకాన్ని విస్తరించారు.

Powered by Create your own unique website with customizable templates. Get Started

I am Naresh, I am studying apiiit, My village Nellore